Masilnagan iti nalabaga ti Kahului Fire Station ken Kalana O Maui County Building ita a lawas kas panglaglagip kadagiti natnag a bombero, agraman ni County of Maui Firefighter Tre’ Evans-Dumaran.

Ti silaw ket paset ti Light the Night for Fallen Firefighters event ti National Fallen Firefighters Foundation, a mangrugi ita nga aldaw ken agtultuloy agingga iti Domingo, Mayo 5.

Napukaw ni Evans-Dumaran ti biagna idi Pebrero 2023 kalpasan a naiyanud iti taaw bayat ti panagrespondena iti layus idiay Kihei. Mainayonto ti naganna iti National Fallen Firefighter Memorial iti National Fire Academy sadiay Emmitsburg, Md., bayat ti National Fallen Firefighters Memorial Weekend Mayo 4 ken 5. Ti County of Maui Fire Chief Brad Ventura ken dagiti kameng ti Honor Guard ti Maui Fire Department ti tumabuno iti nasao nga aktibidad.

Masilawan ti Kahului Fire Station iti nalabaga manipud alas 8 agingga alas 10 ti rabii ita nga aldaw agingga iti Domingo kas suporta iti nasao nga aktibidad. Masilawan ti Kalana O Maui iti nalabaga manipud alas 8 agingga alas 10 ti rabii ti Biernes ken Sabado.

Ad-adu pay nga impormasion ti magun-od iti firehero.org/light-the-night .